Psa 131 | Vulgate_HebPs | STEP | canticum graduum memento Domine David et omnis adflictionis eius

Psalms 131

1 canticum graduum memento Domine David et omnis adflictionis eius 2 qui iuravit Domino votum vovit Deo Iacob 3 si intravero in tabernaculum domus meae si adsedero super lectum straminis mei [ (Psalms 131:4) si dedero somnum oculis meis et palpebris dormitationem ] [ (Psalms 131:5) donec inveniam locum Domino tabernacula Deo Iacob ] [ (Psalms 131:6) ecce audivimus illum in Ephrata invenimus illum in regione saltus ] [ (Psalms 131:7) intremus in tabernacula eius adoremus scabillum pedum eius ] [ (Psalms 131:8) surge Domine in requiem tuam tu et arca fortitudinis tuae ] [ (Psalms 131:9) sacerdotes tui induantur iustitia et sancti tui laudent ] [ (Psalms 131:10) propter David servum tuum ne avertas faciem christi tui ] [ (Psalms 131:11) iuravit Dominus David veritatem non avertetur ab ea de fructu ventris tui ponam super sedem tuam ] [ (Psalms 131:12) si custodierint filii tui pactum meum et testificationem meam quam docuero eos et filii eorum usque in aeternum sedebunt super thronum tuum ] [ (Psalms 131:13) quia elegit Dominus Sion desideravit eam in habitaculum suum ] [ (Psalms 131:14) haec est requies mea in sempiternum hic habitabo quia desideravi eam ] [ (Psalms 131:15) venationem eius benedicens benedicam pauperes eius saturabo pane ] [ (Psalms 131:16) sacerdotes eius induam salutari et sancti eius laude laudabunt ] [ (Psalms 131:17) ibi oriri faciam cornu David paravi lucernam christo meo ] [ (Psalms 131:18) inimicos eius induam confusione super ipsum autem florebit sanctificatio eius ]